جدل حول مسلسل الرمضاني حارة اليهود والهوية المصريه بين الحقيقه والخيال يعود بالحوار الى التاريخ

جدل حول  مسلسل  الرمضاني حارة اليهود والهوية  المصريه بين الحقيقه والخيال  يعود بالحوار الى التاريخ

اهو البوست ده بالذات يدل على مدى الجهل اللى وصلنا ليه

لكن الحُجة بالحُجة زى ما بيقولوا اولا الديانة مش مبرر لفعل الخيانة ديه حاجة نابعة من المبادئ والقيم عند الانسان يعنى فى حد بيعرف يخون وحد مش بيعرف ممكن يكون فى مسلم او مسيحى خاين عادى يعنى الخيانة مش حكر ع الديانة اليهودية بس ،و لو فى نموذج سلبى فى نماذج ايجابية زى يو سف درويش دافع عن استقلال مصر و وزع المنشورات ضد الصهيونية ،كورييل فضح مؤامرة العدوان الثلاثى ورفض عبد الناصر إعادة الجنسية إليه،ليلي مراد رفضت جواز السفر الإسرائيلى وشاركت فى حملة تسليح الجيش المصري،موسي قطاوى الذي أسس خط سكك حديد أسوان وشرق الدلتا وشركة ترام وسط الدلتا وعمر أفندى وبنزايون،شيكوريل الذي أسس متاجر شيكوريل وريكو وأسهم فى تأسيس بنك مصر وكان شيكوريل رئيس الغرفة التجارية المصرية وقاضيا فى المحكمة المختلطة... ياريت قبل ما تزايدوا على حد اقروا التاريخ الاول ‏‎smile‎‏ رمز تعبيري

Gharib Mahmoud

حارة اليهود المصريه بين الحقيقه والخيال

حارة اليهود الحقيقيه هي

اللي خرجت منها راقيه ابراهيم او راشيل ليفي اللي استدرجت عالمة الذره

المصريه سميره موسى وساعدت في قتلها ولذلك كافئتها الدوله الصهيونيه بان

جعلتها سفيره

حارة اليهود الحقيقيه هي

اللي خرجت منها كاميليا او ليليان فيكتور كوهين اللي كانت مقربه للملك فاروق

ومن الاسباب الرئيسيه لقتلها التجسس لصالح الدوله الصهيونيه ودورها في

هزيمة الجيش المصري والعربي في فلسطين

حارة اليهود الحقيقيه هي

اللي خرج منها كامل امين ثابت او ايلي كوهين اخطر عمليه جاسوسيه واختراق

لنظام عربي وكاد ان يصبح وزير دفاع سوريا وكان مرشح بقوه لرئاسة

الجمهوريه السوريه وصاحب النفوذ الاقوى في حزب البعث السوري ،، هرب من

مصر وتم اعداده بشكل جيد في دولة الصهاينه وذهابه للارجنتين كمهاجر سوري

ثم عودته واستقراره في سوريا ،، ولولا عناية الله لما تم كشفه واعدامه

حارة اليهود الحقيقيه هي

اللي خرج منها اعضاء شبكة التجسس والتخريب اللي حرقوا ودمروا بعض

المنشئات في مصر وتم القبض على جميع افراد الشبكه في القضيه الشهيره

والمعروفه بفضيحه لافون

حارة اليهود الحقيقيه هي

اللي طلع منها مخرجين ومنتجين وممثلات يهود خربوا الثقافه والوعي

الديني في بلادنا

حارة اليهود الحقيقيه هي

اللي كان عايش فيها وبناء على فيديو لليوم السابع اشاروا فيه لمنزل كان يسكن

فيه موشيه ديان وزير الحرب الصهيوني اللي قاد حرب و احتلال الدول العربيه

سنه1967 ودخل بجنوده القدس والمسجد الاقصى

العجيب في فيديو اليوم السابع انه احد ساكني حارة اليهود اشار ان موشيه

ديان وجمال عبدالناصر كانوا جيران بنفس البيت طبعا معلوم للجميع ان

عبدالناصر كان ساكن عند احدى قريباته في حارة اليهود ولكن الجديد انه

يكون في نفس البيت

ابحث عن فيديو بعنوان

شاهد المنزل الذى عاش فيه «جمال عبد الناصر» و«موشى ديان» بوسط القاهرة

دي حارة اليهود في الحقيقه

اما حارة اليهود في الخيال

ان اليهود المصريين في حارة اليهود ملايكه

محترمين اصحاب واجب على درجه عاليه من الرقي

في الذوق في وقت ان كل المصريين في حارة اليهود

اما بلطجي او متطرف او راقصه او مغلوب على امره

وبعد كل الكلام دا اللي اختصرته بشكل كبير لان جرايم اليهود

المصريين كتير وفي شخصيات مشهوره جدا من اصول يهوديه

اثروا في ثقافة المصريين بشكل سئ والنتيجه اللي وصلنا ليه دلوقتي

من اخلاق منهاره

اللي عايز اقوله من كل دا ان ربنا حدد علاقتنا مع اليهود والنصارى وحتى الكفار

في ايتين اتنين بس علشان كده اوعى مسلسل او فيلم او حد مشهور يهودي او

نصراني يأثر عليك بفكره وبمعتقده وخلي الايتين دول دايما في بالك

الايه الاولى

لَّا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُم مِّن دِيَارِكُمْ أَن

تَبَرُّوهُمْ وَتُقْسِطُوا إِلَيْهِمْ ۚ إِنَّ اللَّهَ يُحِبُّ الْمُقْسِطِينَ

الايه التانيه

وَلَن تَرْضَىٰ عَنكَ الْيَهُودُ وَلَا النَّصَارَىٰ حَتَّىٰ تَتَّبِعَ مِلَّتَهُمْ ۗ قُلْ إِنَّ هُدَى اللَّهِ هُوَ الْهُدَىٰ ۗ

وَلَئِنِ اتَّبَعْتَ أَهْوَاءَهُم بَعْدَ الَّذِي جَاءَكَ مِنَ الْعِلْمِ ۙ مَا لَكَ مِنَ اللَّهِ مِن وَلِيٍّ وَلَا نَصِيرٍ