محمد عبد الحفيظ الرفاعي ---------------زادو الدوا ؟؟

زادو الدوا ؟؟

خليك من الكِسره .. المُلاح ..
الإنبطاح .. النورو راح
الإنكشاح .. المُستراح .. ( 2 جنيه )
بالصِح كدا زادو الدوا ؟
زادوه عدييييييييببببل ؟
يعنى العلاج لحق الدقيق ؟
يالذمه ياخ .. ديل نُصاح ؟
بيعونا ساي .. البيع أخير
ورونا وين سوق الرقيق ؟
يا المغسه آآآآآآآآآح ..

**

أحيييي عديل ..

**

بس يا رفيق .. الواطه صانه
أخير نموت .. ما نمرق الشارع نخاف ..
أرح نخاف .. الجِته ما بتحمل ضرب ..
أرح نخاف .. العكه ما قامت غرب
أرح نخاف .. العندو حق ال ينسلب
أرح نخاف .. الجاتو وجعه ال ينكرب
أرح نخاف .. فصلو الجنوب
أرح نخاف .. زادو الحبوب
أرح نخاف .. فجعوا القلوب
شارعنا ما سامع هُتاف ..

**

الشُفع الكايسين علاج
الإحتياج .. مصرانو هاج
الإنزعاج .. ما نلقى حل ؟
زادو الدوا ؟؟؟؟؟؟؟؟؟
والعندو في المخ إرتجاج ؟
يعمل شنو ؟ يشرب سجار ؟
يسوي ظار ؟ يعمل مساج ؟
طيب .. حق الفطور ؟ ..
كمساري كورك بإنزعاج
الشِقله .. صالحه .. مربعات
لفة سراج ..
ح تموت كمد ؟ هو انت حي ؟
خليك صريح ؟
تقدر تسو أي إحتجاج ؟؟؟؟؟؟؟

**
زادو الدواء ؟؟
أسكت سكت حِسك
داير تجيب لينا الهواء ؟
الحِصه موت ..
أرح نموت ..
جخخخخخخ مُتنا جت
ما أحلى لما نموت سوا

**
خارج النص :

تيتروسايكيلن ..
ديل نحن ديل .. المُذنبين
( تيت )… ( روووو )
( سااااي ) .. ِ( كِلين )
شُغل نضيف ..
عمك حنين ..
- ياخ انت مين ؟
- معليش أظن داخل غلط
ما عندي راي .. زيدو الدوا

______

محمد عبد الحفيظ الرفاعي