الحقائق الموجعة المنسيةتعتبر جزيرة جبل مقرسم (مكور) من اكبر الجزر البحرية على المياة السودانية وهى جزيرة جبلية داخلها منابع مياة حلوة وعندها سكان محلين وعليها زراعة ومواشى (ماعز برية) وأغلب السكان صيادين ويقع على الشرق من الجزيرة جبل ميتيب وهو مستوطنة من الافاعى والطيور وتقع على شرق من جزيرة مكور وجبل ميتيب شعب (أنقروش) (Angarosh) وهى شعب مرجانية مشهورة بجمالا ويأتى لها السياح محبين الغطس (scuba diving) من كل انحاء العالم لمشاهدة الكنز الذى لم يسمع بة اغلبية الشعب السودانى وهو كنز مهمل ومجهول ويهرب سكان بورسودان من الصيف الحار للجزيرة التمتاز بجو بارد رطب طول العام (للمصيف) وقام نافع باعة لميستثمر سعودى وأتضامن الناس والسكان المحلين ومنظمات المجتمع المدنى ومجموعة من الاحزاب المعارضة واتنسقت وقفات احتجاجية ومجموعة من المحامين رفعو قضية واتحددت الجلسة وكانت خطوة فعالة وتكاتف جميل ...لاكين حكم القاضى لى صالح نافع ويوما عرفتة (انو العدالة مافى قاعات المحاكم العدالة فى ضمير البنى ادم )والأمر ماكان فى تعويض وظائف او بيوت او تعويض مادى للسكان المحلين مجموعة من السكان رجعو ورفضو يطلعو من الجزيرة وغيروا اسمها من جبل مقرسم لى قلب العالم ومامعروف مصير الناس ديل الى يومنا هذا والاستئناف قائم واتنست القصة .....
ويرجع يعملا النظام من جديد والمرة دى فى عبق الاماكن جزيرة سواكن وانا صغيرة إتعوتة امشى سواكن زيارات ورحلات مع عيلتى ألعب بى الرمل والموية ونزور قصر الشناوى واكلات السمك والصيادية وعيش (التنور هديب ) المحلى
وصوت الموج وريحة الجبنة وصوت الربابة واصوات الصيادين بزكر كان فى راجل بكلم نفسو سئلونى عارفة بتكلم براهو لية ...لية كان فى كديسة عايشة معاهو ف البيت فجأة اتقلبت لى بت وعرسة ...وحاليا وينة ...هو بتكلم معاها نحن مابنشوفا هو بس بشوفا...وضحكنا... سواكن مليانة قصص وحكايات احلى من الف ليلة وليلة واساطير القصور المهجورة تتكتب عنها مسلسلات اطفال وكتب خيال وفى اعتقادى تطلع منها سلسلة احلى من هارى بوتر وتوالالايت وبداية المسا كنت بخاف وامسك طرف توب أمى ربنا يرحمة من خوفى من القطط تتقلب لى زول وتتكلم معاى واقول متين نطلع من سواكن ونمشى بورسودان واصل البيت ،سواكن عندها طابع خاص الجميع ودود ولطيف برغم الملامح المجهدة المكدودة ويردوا التحية بفرح (أيتنيك أيتنينا ) بلجهة المحلية
والشوارع الطويلة الضيقة والقصور الشامخة ومبانيها العالية بقولو عليها الثرايا وبالمحلية (ثراياتون) المبنية بحجر المرجان والمخازن المكتوب عليها وكالة البضايع وروايح الهبهان والقرنفل .....
سواكن مليانة تاريخ البوابات الخمسة وأشهرا بوابة كتشنر (بوابة شرق السودان) وجمال نقوشها وصور المدافع القديمة ومبنى الجمارك الداخلو المحكمة العسكرية الاتحاكم فيها الامير عثمان دقنة والسجن الاتسجن ومات داخلو الامير والمسجدين الشافعى والحنفى وقصر الشناوى اليحتوى على 360 غرفة الاتشيد فى منتصف القرن الثامن والجهود المجتمعية والراجل الكريم العم محمد نور هداب صاحب المتحف البضم صور ومخطوطات لى معارك التيب ،وتفريك، وتاماى، وهندوب، وجيوش عثمان دقنة وكسر المربع الانجليزى وصور جبال اركويت وحامية سنكات وحامية طوكر وقصايد كبلينغ المشهورة (الفيزى ويزى ) المعلقة على الجدران يوصف المقاتل السودانى (أنة ممتلئ بحرارة الصحراء،وطعم الزنجبيل عندما يكون حيا،ويكون اكثر خطورة عندما يحتضر ) ويصف السكان المحلين (همجيون ووثنيون ) والنصب التزكارى للجيوش البريطانية المصنوع من حجر الجرانيت ودة ارث ثقافى انسانى الحكومة قدمت سواكن للاتراك لى احياء التراث العثمانى وايجار الميناء والوضع ضبابى ومامفهوم طيب الاتراك حيعملو نقوش عثمانية على الاماكن التاريخية وبالنسبة للبوابات الراجعة للقرن السادس عشر قبل الغزو العثمانى والاستعمار البريطانى وين موقف الهيئة العامة للاثار السودانية ولية الحكومة تقدم سلطة مطلقة وموارد للاجانب على اراضينا سواكن ارض طيبة مباركة لى أهلها ومن اقدم المدن الاثرية فى المنطقة ولاكن قبل كل شى سواكن أرض سودانية وسيادة وطنية
وصوت الموج وريحة الجبنة وصوت الربابة واصوات الصيادين بزكر كان فى راجل بكلم نفسو سئلونى عارفة بتكلم براهو لية ...لية كان فى كديسة عايشة معاهو ف البيت فجأة اتقلبت لى بت وعرسة ...وحاليا وينة ...هو بتكلم معاها نحن مابنشوفا هو بس بشوفا...وضحكنا... سواكن مليانة قصص وحكايات احلى من الف ليلة وليلة واساطير القصور المهجورة تتكتب عنها مسلسلات اطفال وكتب خيال وفى اعتقادى تطلع منها سلسلة احلى من هارى بوتر وتوالالايت وبداية المسا كنت بخاف وامسك طرف توب أمى ربنا يرحمة من خوفى من القطط تتقلب لى زول وتتكلم معاى واقول متين نطلع من سواكن ونمشى بورسودان واصل البيت ،سواكن عندها طابع خاص الجميع ودود ولطيف برغم الملامح المجهدة المكدودة ويردوا التحية بفرح (أيتنيك أيتنينا ) بلجهة المحلية
والشوارع الطويلة الضيقة والقصور الشامخة ومبانيها العالية بقولو عليها الثرايا وبالمحلية (ثراياتون) المبنية بحجر المرجان والمخازن المكتوب عليها وكالة البضايع وروايح الهبهان والقرنفل .....
سواكن مليانة تاريخ البوابات الخمسة وأشهرا بوابة كتشنر (بوابة شرق السودان) وجمال نقوشها وصور المدافع القديمة ومبنى الجمارك الداخلو المحكمة العسكرية الاتحاكم فيها الامير عثمان دقنة والسجن الاتسجن ومات داخلو الامير والمسجدين الشافعى والحنفى وقصر الشناوى اليحتوى على 360 غرفة الاتشيد فى منتصف القرن الثامن والجهود المجتمعية والراجل الكريم العم محمد نور هداب صاحب المتحف البضم صور ومخطوطات لى معارك التيب ،وتفريك، وتاماى، وهندوب، وجيوش عثمان دقنة وكسر المربع الانجليزى وصور جبال اركويت وحامية سنكات وحامية طوكر وقصايد كبلينغ المشهورة (الفيزى ويزى ) المعلقة على الجدران يوصف المقاتل السودانى (أنة ممتلئ بحرارة الصحراء،وطعم الزنجبيل عندما يكون حيا،ويكون اكثر خطورة عندما يحتضر ) ويصف السكان المحلين (همجيون ووثنيون ) والنصب التزكارى للجيوش البريطانية المصنوع من حجر الجرانيت ودة ارث ثقافى انسانى الحكومة قدمت سواكن للاتراك لى احياء التراث العثمانى وايجار الميناء والوضع ضبابى ومامفهوم طيب الاتراك حيعملو نقوش عثمانية على الاماكن التاريخية وبالنسبة للبوابات الراجعة للقرن السادس عشر قبل الغزو العثمانى والاستعمار البريطانى وين موقف الهيئة العامة للاثار السودانية ولية الحكومة تقدم سلطة مطلقة وموارد للاجانب على اراضينا سواكن ارض طيبة مباركة لى أهلها ومن اقدم المدن الاثرية فى المنطقة ولاكن قبل كل شى سواكن أرض سودانية وسيادة وطنية
حاليا الخطوة الفعالة العملية الممكن نعملا عشان نغير الوضع دة هى شنو؟
صبى دمعى
وانا قلبى ساكن
حار فراقك نار ياسواكن
صبى دمعى
وانا قلبى ساكن
حار فراقك نار ياسواكن
من فيس بوك حساب Sarah Absher.
Comments
Post a Comment