"قصه حب"
بقلم:نسيبه عبدالرحمن
الحلقه "2"
وقبلي يومين من البرنامج الثقافي وبعد بدت تجهز كل ترتيياتها لليوم داك وعملت بروفه قدام اخواتها وقدام زميلاتها وحتي جهزت لبستها وكامل الاحتياجات اللازمه لليوم الثقافي وقبلي البرنامج بيومين حوالي الساعه 7مساء رن تلفونها واتفاجئت انو المتصل خالد لانو دائما اتعودت عليهو بالواتساب وم حصل اتكلمت مع خالد بالتلفون اتوترت شويه واتوقعت انو في حاجه ضروريه اكييد عشان تبرر سبب اتصاله ردت عليهوو ودار بيناتم الحوار كالاتي :
الو ايمان ازيك
الو ايمان ازيك
اهلين خالد الحمد لله كويسه وانت كيفك ؟
-والله الحمد لله بس م كويس منك !
-ليه خييير ان شاء الله
-سمعت من رماح زميلتنا قبيل انك حتغني بعد بكره ليه م كلمتيني؟بعدين كيف يعني حتغني الكلام دا م بجي منك !
"طبعا ايمان في اللحظه دي اتوترت شويه وبقت م عارفه ترد عليهو لانو اول مره تشوفو زعلان وبتنفس بي ضلعه كانها عامله جريمه فحاولت تخفف من حده الموضوع وتتظارف حبتين وقالت ليهو...
-فيها شنو ي خالد لو غنيت م عادي انا م اول بت اغني ودي موهبه ومفروض تطلع طول م هي موجوده جوواي بعدين الجامعه مليانه بناات وكلهم بغنوو يعني دا م شي جديد
قاطعها خالد وقال ليها لكن انتي ي ايمان م زي اي بت عاديه في الجامعه عشان تعملي زيهم!
طبعا ايمان في اللحظه دي اتجهجهت وغلبها البتسويهو والمعاها كلووو كمل وبقت ساكته وبتسمع في كلامو البقولو :
اسمعيني ي بت الناس والله جد جد لو م بتهميني وغاليه علي م كان بهتما بيك وكان لو غنيتي او لا م كان بفرق كتيير وممكن عادي اجي بجنبك وابشر فيك واضحك بيك زي م حيعملو الاولاد فيك بعد تطلعي وتغني دا اذا م لقيتي الفديوا لافي في كل الجامعه واليسوا والما يسوا كلوووو بعاين فيك اسمعي كلامي وم حتندمي
طبعا زولتنا ايمان متفاجئه وم عارفه تقول شنو اول زول يلاقيها ويتكلم معاها بالطريقه دي كل زملائها واصحابها مشجعنها علي الغنا يعني معقوله كلهم غلطانين وخالد بس الصاح ! المهم بعد تفكير طويل وهو راجي ردها قالت ليهوو:
خالد انا كل اصحابي مؤيدني علي الغنا حتي ابوي م رافض وانا من زمان كنت بغني حتي في االثانويه كنت بشارك بصوره دايمه وم حصل شئ من البتقول فيهو دا انت بس مكبر الموضوع اكتر من اللازم وعامل من الحبه قبه...!
خالد في الساعه دي اتوتر شديد وزعل جدا وهو طبعا زول صعب خصوصا انو ود بلد وفي المواضيع دي م بلعب قال ليها بكل زعل :يااااااااا ايمان ياخ دي جامعه م ثانوي عشان تقارني لي بين الجامعه والثانوي انتي ليه م قادره تفهميني في الثانوي البكونو حاضرين بالكتير اساتذتك بس في الجامعه لامه كل الولاياااات وكل الاشكال ومختلف العادات والتقاليد !!!!!!!
طبعا الكلام الاخير دا كلو م استوعبتو لانها كانت حتطق من الزعل بسبب انو كان زعلان وبصرخ فيها وبتكلم معاها بطريقه قاسيه شويه وهي طبعا شايفه انو م عندو الحق يتكلم معاها كده لانو ياداب بعرفو بعض المهم اختصرتوو بطريقه مسيييخه كانها عايزة تتخلص منو ودا كلوو عشان كانت زعلانه من حكايه انو م راعى ليها
اليوم التاني جات الجامعه وكان باين انها مضايقه وم لاقت خالد وتغريد اليوم داك كانت مافي في الجامعه عند ناس عمها عشان كده ايمان م قدرت تتحمل وحكت لي واحده من صاحباتها وقالت ليها عايني دا ود رجعي ومتخلف وم بفهم وحرام تتدمري موهبتك بالطريقه دي م تسمعي كلاموو دا غيران منك م اكتر وتبقي هبله لو سمعتي كلاموووو
ايمان بقت محتاره وم عارفه تعمل شنوووو بالليل لما رجعت البيت لقت رسائل من خالد اعتذر فيها عن اسلوبه امبارح وسالها عن قرارها قالت ليهو والله ي خالد م عارفه بعدين كل كليتنا راجياني اغني ومستنين يوم بكره متين يجي م بقدر اخزلهم
خالد قال ليها ناس الكليه يحررقو وخليهم علي انا م عندك شغله بي زول مصلحتك فووق كل شئ ايمان ردخت لي كلام خالد وقررت م تغني ....واتفقو علي كده بالليل
البت القبيل الشاورتها ايمان الشمار حرقها وقالت عايزة تعرف ايمان حتغني ولا لا اتصلت عليها في ليلها داك واتفاجئت برد ايمان انها م حتغني
طبعا المغصه قطعت قلبها كيف م تغني وانا قلتا ليها غني وتسمع كلام الود الرجعي الما بفهم داك والسر الما عرفنو في الموضوع انو المتخلف البتحكي عن عنو دا مكسرهاااا شديييد وعاجبها بس عشان هو م شغال بيها ومهتم بي ايمان عشان كده قررت انها لازم تخلي ايمان تغني باي طريقه عشان تخلي خالد يبعد عن ايمان وهي تلقا فرصتها في خالد
في ليلها داك اتصلت بالمنظمين للحفله وهي طبعا ماف ولد م بتعرفووو خفيفه وجنها حركات وطلبت من الولد يتصل لي ايمان ويقول ليها انو اعتمد عليها يوم بكره عشان تنجح البرنامج واذا هي م جات اكيد البرنامج حيفشل وفعلا الولد اتصل عليها وبرغم من انو ايمان اعتذرت للولد بس م استجاب ليها وحسمها بانو ضروري تشارك بكره .......ايمان م عرفت تسوي شنو بيجاي وعدت خالد م تغني وهنا ضغط عليها منظم البرنامج وقال لازم نرفع اسم كليتنا احتارت وقررت تخلي الموضوع لي يوم بكره والبحصل احصل .....خالد اطمن علي حسب كلام ايمان انها م حتغني وبقا مبسووووط ومرتاح
اما فلانه ديك راجيه متين بكره ايمان تغني وتسقط في نظر خالد عشان هي تلقي فرصتها
نشوف البحصل شنوو تابعوني..
.
Comments
Post a Comment